XII Día d'Andecha en Ribeseya
El prósimu sábadu 23 de Mayu va cellebrase en Ribeseya'l XII día d'Andecha. Esta cellebración vien cellebrándose tolos años como folixa del partíu y escoyendo siempre'l sábadu más cercanu a la efeméride del 25 de Mayu, como homenaxe al llevantamientu del pueblu asturianu escontra l'exércitu de Napoleón y la declaración de soberanía de la Xunta Xeneral d'Asturies nel añu 1808.
El día d'Andecha va tener dellos actos:
-Descensu vindicativu del Riu Seya. Una forma afaiza y diferente d'esfrutar de los nuesos rios, tien un preciu especial de 16 euros pa esti día. El descensu incluye tol material necesariu pa la propia actividá deportiva, asina como la bolsa cola xinta (bollu preñáu, pastes, fruta y agua). Lo únicu que ties que llevar ye ropa deportiva que pueda moyase y otra ropa seco y una toballa pa llevar contigo na canoa y cambiase.
-Partida de Bolos - Taller de cuatreada. Cuando aportemos a Ribeseya depués del descensu, daremos pasu a un de los deportes señeros del país, la cuatreada. De la man d'un mayestru llocal d'esti deporte, Jose Manuel, vamos desfrutar de los sos conseyos demientres facemos les tiraes na bolera de la Escuela Pública de L'Atalaya.
-Pasucais de gaiteros. Una banda gaites caleyará les cais de Ribeseya dando ambiente cola notes de les gaites a tol pueblu.
-Espicha. Na pista cubierta de L'Atalaya, espicha popular.
-Mitin. Actu políticu onde intervendrán un representate de Darréu y tamien d'Andecha Astur, tantu llocal como nacional.
-Conciertu. Actuación músical de dellos grupos llocales y un de Villaviciosa.
Pa Musquis
Trueba
Agua Cero
Taranus
Entradas
