ANDECHA ASTUR PIDE LA DIMISIÓN DEL CONCEYAL DE MEDIU AMBIENTE Y URBANISMU

Andecha Astur de Ribeseya nun pue salir d’asombru depués de les caberes declaraciones de prensa rializaes pol conceyal de Mediu ambiente de la Casa Conceyu de Ribeseya, Francisco Vazquez. A xuiciu de nueso estes declaraciones además de demostrar una apatía y desinterés más que preocupantes con estos fechos pergraves, suponen una tomadura de pelu tantu a los vecinos de Cuerres como a los del restu del conceyu y faen que pierda tola credibilidá que presuponíamos a esta persona en materia de mediu ambiente y urbanismu, polo que’l nuevu PXOU nun puede depender de persones como él. Les afirmaciones vertíes ayeri pol conceyal son propies d’un impresentable. Entá nun se digno n’acercase a les diferentes obres que ta llevando a cabu la empresa denunciada, toes elles con irregularidaes, ensin embargu ya reconoció’l primer patinazu del gobiernu col cierre de la playa, pero nun se preocupa de dir a ver les otres obres enantes de tirar balones fuera y dicir que nun son de la so responsabilidá, faciendo declaraciones sobre obres que nin siquiera sabe qu'esisten. ¿como nun van ser responsabilidá del gobiernu les obres que’l mesmu reconoz que se faen ensin llicencia en suelu del nuesu conceyu? ¡nin siquiera sabes de qu’obres tas falando Sr. Vazquez! Les semeyes que demuestren que se tan construyendo pistes nel paraxe de Tosquila y prósimes al Cuetu Samartín, siguen por munchos metros más allá de la cuenca del ríu, polo que son en primer llugar responsabilidá de la Casa Conceyu, pero claro, entá nun les visitaren y atrevense a decir qu'ellí nun hai nada.

Si al Sr. Fco. Vazquez no-y apetez atender les sos funciones o lo que ye pior, tien dalgún interés en que la empresa pueda terminales rápido y ensin complicaciones, ye meyor que dimita ya y que dexe de tomar el pelu a la xente, los vecinos al menos no se sentirán vilipendiaos y estafaos.